先做調味醬汁：將用料二全部材料倒入玻璃樽內攪拌幾下後蓋上樽蓋，擺入雪櫃冷藏過夜（醬汁冷藏可保存3~4天）備用，我會做多少少醬汁，方便作其它蘸醬或做配料用。
將鮮冬菇切片，洋蔥、紅蘿蔔切絲，椰菜切小塊，培根切塊，切幾粒小米椒
備齊材料，起鍋放入些少油，將切好嘅培根下鍋煎至金黃
倒入洋蔥絲、冬菇片翻炒幾下
加入椰菜，加丁點鹽繼續翻炒幾下（記得不要放太多鹽）
跟住放入紅蘿蔔絲，磨入些少黑椒碎，倒入1/2茶匙史雲生雞汁、大半茶匙調味醬汁（之前做好放入雪櫃冷藏過夜嘅醬汁）翻炒幾下（醬汁按自己口味加減），最後將烏冬下鍋一起翻炒幾分鐘關火
上碟啦，色香味俱全😍
開動啦😋，筋道爽滑嘅烏冬，配上特別調味嘅醬汁，香辣美味絕對係一級棒😂
之前調好嘅醬汁無論蘸什麼都好好味👍
1.選對筋道爽滑嘅烏冬麪口感就係不一樣 2.培根可用其它肉類代替，按自己喜歡搭配，本人喜歡選擇培根🥓係比較簡單方便，而且唔會太肥膩 3.醬油可選用其它牌子鮮醬油（記得係鮮醬油，唔係生抽哦） 4.醬汁一次多做少少放入雪櫃冷藏，方便其它食用蘸醬用。